ແອັດສະປາຍ ໃຊ້ຫຸ່ນຍົນລາດຕະເວນ ຫາຄົນລະເມີດກົດຈາລະຈອນ
ເຕັກໂນໂລຊີເປັນສ່ວນໜຶ່ງຂອງຊີວິດໄປແລ້ວ ນັບຕັ້ງແຕ່ຕື່ນເຊົ້າຈົນຮອດເຂົ້ານອນ ບໍ່ວ່າໃນເວລາໃດ ເຕັກໂນໂລຊີກໍມີບົດບາດ ໃນຊີວິດ
ສະເໝີ, ນອກຈາກນີ້ເຕັກໂນໂລຊີໃນບາງເລື່ອງ ຍັງຖືກພັດທະນາ ເພື່ອໃຫ້ມີສ່ວນຊ່ວຍ ໃນວຽກງານອີກດ້ວຍບໍ່ເວັ້ນແຕ່ວຽກງານຂອງຕຳຫຼວດ.
ໂດຍຕຳຫຼວດໃນເມືອງ ມາລະກາ ປະເທດແອັດສະປາຍ ໄດ້ເລີ່ມມີການນຳໃຊ້ຫຸ່ນຍົນໝາ ຫຼື robot dog ໃນການຊ່ວຍລາດຕະເວນໃນເມືອງ
ສ່ວນໜຶ່ງແມ່ນເພື່ອແນໃສ່ການປະຢັດແຮງ ແລະ ເພື່ອປະສິດທິພາບການເຮັດວຽກທີ່ດີຂຶ້ນຊັດເຈນຂຶ້ນ ໂດຍມີຈຸດປະສົງຫາຜູ້ລະເມີດການຈະລາ
ຈອນ ຜູ້ທີ່ລະເມີດກົດລະບຽບທາງຢ່າງ ເຊັ່ນ: ການໃຊ້ scooters ໄຟຟ້າໃນເຂດພື້ນທີ່ຫ້າມໃຊ້. ເລື່ອງທີ່ຫນ້າເຫຼືອເຊື່ອກ່ຽວກັບຫຸ່ນຍົນໝາ
ນີ້ກໍຄືແຕ່ກ່ອນຈະໃຊ້ການຜ່ານຣີໂມດໄລຍະໄກ ແຕ່ພຽງອອຟຊັນດຽວ ແຕ່ໃນເວລານີ້ຫຸ່ນຍົນນີ້ໄດ້ຮັບການພັດທະນາໃນເວລາ 2 ປີ ມັນສາມາດ
ບໍລິຫານຈັດການ ແລະ ຄວບຄຸມຕົນເອງໄດ້ໂດຍຜ່ານລະບົບ AI ຫຼືປັນຍາປະດິດ ໄດ້ເລີຍ ແລະ ສາມາດຍ່າງໄປຫາຈຸດຕ່າງໆໄດ້ ໂດຍໄດ້ຖືກພັດ
ທະນາໂດຍນັກຄົ້ນຄວ້າຢູ່ມະຫາວິທະຍາໄລ ມາລະກາ. ນັ້ນໝາຍຄວາມວ່າໃນເວລານີ້ຫຸ່ນຍົນໝາໂດຍເຮັດວຽກຜ່ານ ສັນຍານ 5G ໂດຍສາມາດ
ຄວບຄຸມໄດ້ຈາກໄລຍະໄກໄດ້ອີກດ້ວຍ ໂດຍທີ່ຜູ້ຄວບຄຸມສາມາດເບິ່ງມໍນິເຕີໄລຍະໄກໄດ້ ແລະ ຄົນທີ່ຄວບຄຸມນັ້ນ ກໍສາມາດກວດຈັບວິເຄາະ
ແລະ ປະເມີນສິ່ງຕ່າງໆວ່າສິ່ງໃດເປັນອັນຕະລາຍ. ການນຳໃຊ້ຫຸ່ນຍົນເພື່ອເຮັດໜ້າທີ່ລາດຕະເວນພື້ນທີ່ນີ້ວ່າ ເພື່ອແກ້ໄຂບັນຫາຂາດແຄນພະນັກ
ງານຮັກສາຄວາມປອດໄພ ແລະ ດ້ວຍບັນຫາຂາດແຄນນີ້ຈິງເປັນໄປໄດ້ຫຼາຍກວ່າເຮົາຈະເຫັນການໃຊ້ງານຫຸ່ນຍົນແບບນີ້ເພີ່ມຫຼາຍຂຶ້ນຫຼາຍພື້ນທີ່
ໃນອະນາຄົດ.
ແຫຼ່ງທີ່ມາ: ໜັງສືພິມກອງທັບ
ວັນທີ 28/03/2024